| Flavius Josephus, Jewish War (XML Header) [genre: prose] [word count] [lemma count] [Joseph. BJ]. | ||
| <<Joseph. BJ 3.483 | Joseph. BJ 3.491 (English) | >>Joseph. BJ 3.499 |
3.488οἱ δὲ Ἰουδαῖοι καίτοι τήν τε ὁρμὴν καὶ τὴν εὐταξίαν αὐτῶν καταπλαγέντες πρὸς ὀλίγον μὲν ἀντέσχον ταῖς ἐμβολαῖς , νυσσόμενοι δὲ τοῖς κοντοῖς καὶ τῷ ῥοίζῳ τῶν ἱππέων ἀνατρεπόμενοι συνεπατοῦντο .
3.489πολλῶν δὲ πανταχοῦ φονευομένων διασκίδνανται καὶ πρὸς τὴν πόλιν ὡς ἕκαστος εἶχεν τάχους ἔφευγον .
3.490Τίτος δὲ τοὺς μὲν κατόπιν προσκείμενος ἀνῄρει , τῶν δὲ διεκπαίων ἀθρόων , οὓς δὲ φθάνων κατὰ στόμα διήλαυνεν , πολλοὺς δὲ συνηλοία περὶ ἀλλήλοις πεσόντας ἐμπηδῶν ,
3.491πᾶσιν δὲ τὰς πρὸς τὸ τεῖχος φυγὰς ὑπετέμνετο καὶ πρὸς τὸ πεδίον
-- ὁ δʼ ἔπηλυς πολὺς ὢν πλεῖον ἐβιάζετο , καὶ διωργισμένων ἐπʼ ἀλλήλοις κραυγή τε ἦν καὶ θόρυβος ὡς ὅσον οὔπω φερομένων εἰς ὅπλα .
3.494κατακούσας δὲ τῆς ταραχῆς Τίτος , οὐ γὰρ ἦν ἄπωθεν τοῦ τείχους , “οὗτος ἦν ὁ καιρός , ἐκβοᾷ , καὶ τί , συστρατιῶται , μέλλομεν ἐκδιδόντος ἡμῖν Ἰουδαίους θεοῦ ; δέξασθε τὴν νίκην .
3.495οὐκ ἀκούετε βοῆς ; στασιάζουσιν οἱ τὰς χεῖρας ἡμῶν διεκφυγόντες . ἔχομεν τὴν πόλιν , ἐὰν ταχύνωμεν · δεῖ δὲ πόνου πρὸς τῷ τάχει καὶ λήματος · οὐδὲν γὰρ τῶν μεγάλων φιλεῖ δίχα κινδύνου κατορθοῦσθαι .
| Flavius Josephus, Jewish War (XML Header) [genre: prose] [word count] [lemma count] [Joseph. BJ]. | ||
| <<Joseph. BJ 3.483 | Joseph. BJ 3.491 (English) | >>Joseph. BJ 3.499 |
